2026-жылдын 18-мартында Компьютердик технологиялар жана жасалма интеллект институтунда жеке финансылык коопсуздук маселелери боюнча катышуучулардын финансылык маданиятынын деңгээлин жана маалымдуулугун жогорулатууга багытталган “Финансылык сабаттуулуктун жана коопсуздуктун негиздери” деген темада тренинг-семинар болуп өттү.
Иш-чаранын спикери экономика илимдеринин кандидаты, «Бизнес-информатика» билим берүү программасынын доценти Н.Жумабекова. Ал каржылык сабаттуулуктун негизги принциптерин, анын ичинде жеке бюджетти пландаштырууну, кирешелерди жана чыгашаларды башкарууну жана финансылык тобокелдиктерден коргонуу ыкмаларын кеңири чагылдырды.
Евразиялык сактык банкынын маркетинг бөлүмүнүн башчысы Алексей Коблицкий семинарга чакырылган эксперт катары катышты. Ал финансылык коопсуздукту камсыз кылуу боюнча практикалык сунуштар менен бөлүштү, заманбап банк продуктулары жана аларды колдонууда мүмкүн болуучу тобокелдиктер тууралуу айтып берди, ошондой эле финансылык алдамчылыктын реалдуу мисалдарын жана аларды алдын алуу жолдорун айтты.
Иш-чарага студенттер, анын ичинде Талас агрардык-экономикалык колледжинин өкүлдөрү жана студенттери катышты. Катышуучулар талкууланып жаткан темага жогорку кызыгуу көрсөтүштү, жигердүү суроолорду берип, талкууга катышты.
Семинар гибрид форматында (онлайн жана оффлайн) өттү, бул аудиторияны кеңири камтууга мүмкүндүк берди.
Иш-чаранын жыйынтыгында студенттер өздөрүнүн финансылык сабаттуулугун жана коопсуздугун жогорулатууга жардам бере турган пайдалуу билимдерди жана практикалык көндүмдөрдү алышты.
(С) Жунушалиева Б.А. — Илим жана билим берүү программаларын санариптештирүү боюнча директордун орун басары
